ჭანტურიას გადამწყვეტი გოლი და... წითელი » MYPES.GE - FIFA And PES, Torrent, Download PES 2012 Patch,PES2012 Demo,GeoPatch,Geo Patch,PES 2011 Patch,Pesedit,Fifa Download, fifa 12 Download,Pes 12 Download, Pes Download,PES 2010 Patchs,PES 12,FIFA 11, FIFA 12,FIFA,Fifa Patch,Fifa 12 patch,PES Parche,PES2011 Update,PES Patch,PES Edit,Option File,DLC,PS3 of,PES PC. - PES Patch,PES 2012 Patch,PES2012 Demo,PES 2011 Patch,PES Parche, PES Edit,Patch Update Pro Evolution Soccer 12,Faces,Stadiums,Boots
გიორგი ჭანტურიას გოლმა არნემის "ვიტესს" სტუმრად "ნაიმეგენთან" 1:0 მოაგებინა. 18 წლის ქართველმა 34-ე წუთზე შორი მანძილიდან შესანიშნავი გოლი გაიტანა, თუმცა, მატჩი ბოლომდე ვერ დაასრულა... 57-ე წუთზე გიორგიმ წითელი ბარათი მიიღო.
ჭანტურიამ მოედნის ცენტრში მეტოქის ფეხბურთელი კევინ კონბოი წააქცია. "ნაიმეგენის" მოთამაშე წამოდგა, ქართველს მიეჭრა და ხელით შეეხო, ამ წაკინკლავებას კი მსაჯისგან წითელი ბარათები მოჰყვა: გიორგისთან ერთად, კონბოიც გააძევეს.ჭანტურია გასახდელში გინებით შევიდა, ძლივს აწყნარებდნენ. ძალიან იმპულსური ფორვარდი ჰყავს "ვიტესსა" და საქართველოს 21-წლამდელთა ნაკრებს... ეს გიორგის პირველი გაძევება არაა კარიერაში, არადა, ჯერ ძალიან ახალგაზრდაა. კარგი იქნება, თუ ასაკთან ერთად, დადინჯდება. მართალია, მსაჯს შეეძლო წითელი ბარათისგან თავის შეკავება, მაგრამ მაინც...ესაა ჭანტურიას პრობლემა, თორემ მის ნიჭზე არავინ კამათობს და ამას "ნაიმეგენის" კარში გატანილი გოლიც მოწმობს. "ვიტესის" კაპიტან გურამ კაშიაზეც ვთქვათ: მძიმე მატჩი ჰქონდა, რადგან "ნაიმეგენი" ბევრს უტევდა, თუმცა, არნემელებმა მშრალად შეინახეს კარი და ახლა 9 ტურის შემდეგ, 17 ქულით, მე-4 საფეხურზე არიან – "აიაქსსაც" კი უსწრებენ.
