აგერ უკვე მეორე სეზონია, რაც ჟოზე მოურინიო მადრიდის "რეალს" უდგას სათავეში. 2010 წლის 31 მაისის შემდეგ, პორტუგალიელმა სპეციალისტმა ახალი ეპოქა შექმნა "ბლანკოსში". პირველივე სეზონში მან "კოპა დელ რეი" მოიგო. წელს კი, მოუმ გუნდს "ლა ლიგის" 32–ე ტიტული მოაპოვებინა, რასაც თან უამრავი რეკორდი ახლდა.

მოურინიომ პირველ სეზონშივე მოახერხა "კოპა დელ რეის" მოგება. "განსაკუთრებულს" ამისათვის "მურსიას", "ლევანტეს", "ატლეტიკოს", "სევილიას" და ფინალში "ბარსელონას" დამარცხება მოუწია. უნდა აღინიშნოს, რომ გასული წლის "სამეფო თასის" ფინალი საუკეთესო იყო ამ ტურნირის ისტორიაში.

პორტუგალიელ სპეციალისტს უამრავი ჯილდო აქვს მოგებული. იგი ასევე დასახელებული იყო წლის საუკეთესო მწვრთნელად, "FIFA"–სა "IFFHS"–ს ვერსიით.

მოურინიომ მადრიდის "რეალთან" ერთად "ლა ლიგის" მოგება შეძლო, რასაც თან უამრავი რეკორდი ახლდა: გუნდმა რეკორდული, 100 ქულა მოიპოვა, გაიტანა რეკორდული 121 გოლი და მოიგო რეკორდული, 32 მატჩი.

ჟოზე მოურიო უდაოდ, ერთ–ერთი საუკეთესო მწვრთნელია კლუბის ისტორიაში. აღსანიშნავია, რომ "განსაკუთრებულმა" "ლა ლიგის" ყველა გუნდის დამარცხება მოახერხა.

პორტუგალიელმა სპეციალისტმა გუნდს მრავალწლიანი წყველა ახსნა და "მადრიდი" ჩემპიონთა ლიგის 1/2 ფინალში ზედიზედ ორჯერ გაიყვანა. მიმდინარე სეზონში კი, მოუს "რეალმა" ჩემპიონთა ლიგის ისტორიაში საუკეთესო შედეგი დააფიქსირა ჯგუფურ ეტაპზე.